சென்னை அணி மீண்டும் தோல்வி

சென்னை சூப்பர் கிங்ஸ் (CSK) அணி தற்போது நடைபெற்று வரும் ஐபிஎல் 2025 சீசனில் தொடர்ந்து தோல்விகளைச் சந்தித்து வருகிறது.

சீசனின் தொடக்கத்தில் ஒரு வெற்றியுடன் ஆரம்பித்தாலும், அதன்பின் நான்கு போட்டிகளில் தொடர்ச்சியாக தோல்வியடைந்து அணி சவாலான நிலையில் உள்ளது.

துடுப்பாட்ட பிரச்சினைகள் முக்கிய காரணமாக பார்க்கப்படுகின்றன. ரச்சின் ரவீந்திர மற்றும் அணித்தலைவர் ருதுராஜ் கெய்க்வாட் ஆகியோரைத் தவிர மற்ற வீரர்கள் சீரான ஆட்டத்தை வெளிப்படுத்தவில்லை.

தொடக்க ஜோடியின் சராசரி 8.3 மட்டுமே உள்ளது, மேலும் அவர்களின் ஸ்ட்ரைக் ரேட் 100 ஆக இருப்பது பெரிய பின்னடைவாக உள்ளது.

நடு மற்றும் கீழ் வரிசையில் துடுப்பாட்டம் ஆழம் இல்லாததால் 180-க்கு மேல் ஓட்டங்களை துரத்துவதில் அணி தடுமாறுகிறது.

நேற்று இடம்பெற்ற போட்டியில், பஞ்சாப் கிங்ஸ் அணிக்கு எதிராக 220 ஓட்டங்கள் என்ற இலக்கை துரத்திய சென்னை, 201/5 ஓட்டங்களுக்கு மட்டுமே சென்று 18 ஓட்டங்கள் வித்தியாசத்தில் தோல்வியைத் தழுவியது.

எம்எஸ் தோனி (27 ஓட்டங்கள், 12 பந்துகள்) மற்றும் டெவன் கான்வே (69 ஓட்டங்கள், 49 பந்துகள்) ஆகியோரின் முயற்சிகள் இருந்தபோதிலும், வெற்றிக்கு போதுமானதாக இல்லை.

பயிற்சியாளர் ஸ்டீபன் பிளெமிங், துடுப்பாட்ட வரிசை மீது நம்பிக்கை இருப்பதாகக் கூறினாலும், அணியின் தற்போதைய புள்ளிப்பட்டியலில் 9 ஆவது இடம் மற்றும் தொடர் தோல்விகள் ரசிகர்களிடையே கவலையை ஏற்படுத்தியுள்ளன. இந்த நிலையை மாற்ற, அடுத்த போட்டிகளில் அணி வியூகத்தில் மாற்றம் செய்து வலுவாக திரும்ப வேண்டிய கட்டாயத்தில் உள்ளது.