ஹார்முஸ் நீரிணையில் மூன்றாம் உலகப் போர்!! நவீன கப்பல்களுடன் தயார் நிலையில் சீனா

ஈரானிய துறைமுகங்களைக் குறிவைத்து அமெரிக்க ஜனாதிபதி டொனால்ட் டிரம்ப் விதித்துள்ள கடற்படை முற்றுகையின் பின்னணியில், அப்பகுதியில் சீனக் கடற்படை இயங்குவதால், சீனாவுக்கும் அமெரிக்காவுக்கும் இடையே நேரடி மோதல் ஏற்படும் அபாயம் எழுந்துள்ளது .

சீனக் கடற்படையின் 48வது பாதுகாப்புப் படைப்பிரிவு தற்போது ஏடன் வளைகுடா மற்றும் அரபிக்கடல் பகுதியில் நடவடிக்கைகளை மேற்கொண்டு வருவதை சீனா அதிகாரப்பூர்வமாக உறுதிப்படுத்தியுள்ளது .

இந்தத் தாக்குதல் படையில் சீனாவின் மிக நவீன போர்க்கப்பல்களான டாங்ஷான் (122), ஏவுகணை அழிப்புக் கப்பல்டாகிங் (576), தைஹு எரிபொருள் நிரப்பும் கப்பல் ஆகியவற்றுடன், ஹெலிகாப்டர்கள் மற்றும் சிறப்பு நடவடிக்கைப் படை வீரர்களும் அடங்குவர்.

ஈரானுக்குச் செல்லும் மற்றும் அங்கிருந்து வரும் கப்பல்களை அமெரிக்கக் கடற்படை சோதனையிட்டுத் தடுக்கத் தொடங்கியுள்ள நிலையில், சீனாவின் இந்த நடவடிக்கை வந்துள்ளது.

ஈரானியக் கச்சா எண்ணெயின் முக்கிய இறக்குமதியாளரான சீனா, தனது எண்ணெய்க் கப்பல்களைப் பாதுகாக்க இந்தப் போர்க்கப்பல்களைப் பயன்படுத்துவதாக சர்வதேசப் பாதுகாப்பு ஆய்வாளர்கள் நம்புகின்றனர் .

இருப்பினும், இது ஒரு வழக்கமான கடற்கொள்ளை எதிர்ப்பு நடவடிக்கை மட்டுமே என்று சீனப் பாதுகாப்பு அமைச்சகம் கூறுகிறது.

ஆனால், அமெரிக்காவின் இந்த நடவடிக்கையை “ஆபத்தானது மற்றும் பொறுப்பற்றது ” என்று கூறி சீனா கடுமையாக விமர்சித்துள்ளது .

ஹார்முஸ் நீரிணையில் உலகின் இரு சக்திவாய்ந்த கடற்படைகளுக்கு இடையே நடந்த மோதல், உலகளாவிய எரிசக்தி சந்தைகளில் பெரும் தாக்கத்தை ஏற்படுத்தியுள்ளது.

சீனா தனது கடற்படை பலத்தை ஜிபூட்டியில் உள்ள தனது இராணுவத் தளம் மூலம் செலுத்தி வருகிறது, மேலும் எந்த நேரத்திலும் ஹார்முஸ் நீரிணையை நோக்கிப் பயணிக்கத் தயாராக இருப்பதாகக் கூறப்படுகிறது .

ஈரானிய எண்ணெயை ஏற்றிச் செல்லும் சீனக் கப்பலை அமெரிக்கப் படைகள் ஆய்வு செய்ய முயன்றால், அது இரு உலக வல்லரசுகளுக்கும் இடையே நேரடிப் போராக முற்றிவிடக்கூடும் என்று வெளிநாட்டு ஊடகங்கள் எச்சரித்து வருகின்றன .