கனடாவின் டாம்கின்ஸ் பூங்காவில் மர்ம மரணம் குறித்து விசாரணை

கனடாவின் கால்கரி நகரில் உள்ள டாம்கின்ஸ் பூங்காவில் இடம்பெற்ற ஒரு மர்ம மரணம் குறித்து போலீஸார் தீவிர விசாரணை நடத்தி வருகின்றனர்.

சனிக்கிழமை மாலை சுமார் 5:05 மணியளவில், 17 அவென்யூ எஸ்.டபிள்யூ பகுதியின் 800 வது பிளாக்கில் உள்ள டாம்கின்ஸ் பூங்காவில் ஒரு தாக்குதல் சம்பவம் நடப்பதாக பொலிஸாருக்குத் தகவல் கிடைத்தது.

தகவலறிந்து சம்பவ இடத்திற்கு விரைந்து பொலிஸார், அங்கு ஒரு நபர் உயிருக்குப் போராடிக் கொண்டிருப்பதைக் கண்டனர்.

உடனே அவருக்கு முதலுதவி வழங்கி, உயிரைக் காப்பாற்ற தீவிர முயற்சிகள் மேற்கொள்ளப்பட்ட போதிலும், அவர் சம்பவ இடத்திலேயே உயிரிழந்ததாக மருத்துவர்கள் அறிவித்தனர்.

இந்தச் சம்பவம் தொடர்பாக சந்தேகத்தின் பேரில் ஒருவரை பொலிஸார் தங்களது காவலில் எடுத்து விசாரணை நடத்தி வருகின்றனர்.

உயிரிழந்த நபரின் மரணத்திற்கான துல்லியமான காரணத்தைக் கண்டறிய திங்கட்கிழமை பிரேத பரிசோதனை செய்ய முடிவு செய்யப்பட்டுள்ளது.

இந்த விபத்து அல்லது தாக்குதல் குறித்து ஏதேனும் தகவல் தெரிந்தவர்கள் 403-266-1234 என்ற எண்ணில் கால்கரி பொலிஸாரைத் தொடர்பு கொள்ளுமாறு கேட்டுக்கொள்ளப்பட்டுள்ளனர்.

தகவல்களை ரகசியமாகப் பகிர்ந்து கொள்ள விரும்புவோர், ‘க்ரைம் ஸ்டாப்பர்ஸ்’ (Crime Stoppers) அமைப்பை 1-800-222-8477 என்ற எண்ணிலோ, அவர்களது இணையதளம் மூலமாகவோ அல்லது ‘P3 Tips’ செயலியைப் பதிவிறக்கம் செய்தோ தொடர்புகொள்ளலாம் என அறிவிக்கப்பட்டுள்ளது.