பாகிஸ்தான் ராணுவத்தின் புதிய ஏவுகணை சோதனை வெற்றிகரமாக நிறைவு

நீண்ட தூர இலக்குகளை மிகத் துல்லியமாக தாக்கும் திறன் கொண்ட, உள்நாட்டிலேயே உருவாக்கப்பட்ட தரையில் இருந்து செலுத்தக்கூடிய ‘பத்தாஹ்-4’ ஏவுகணையை வெற்றிகரமாக சோதனை செய்துள்ளதாக பாகிஸ்தான் ராணுவம் தெரிவித்துள்ளது.

அண்டை நாடான பாகிஸ்தான், கடந்த ஆண்டு செப்டம்பரில் சுமார் 750 கிலோமீட்டர் தூரம் வரை சென்று தாக்கும் திறன் கொண்ட ‘பத்தாஹ்-4’ ஏவுகணை சோதனையை நடத்தியிருந்தது.

இந்நிலையில், மேம்படுத்தப்பட்ட தொழில்நுட்பங்களுடன் முழுமையாக உள்நாட்டிலேயே தயாரிக்கப்பட்ட புதிய பதிப்பான ‘பத்தாஹ்-4’ ஏவுகணை சோதனை நேற்று மேற்கொள்ளப்பட்டதாகவும், அது வெற்றிகரமாக நிறைவடைந்ததாகவும் ராணுவம் அறிவித்துள்ளது.

அதிநவீன வழிசெலுத்தல் அமைப்புகளுடன் கூடிய இந்த ஏவுகணை, தொலைதூர இலக்குகளை மிகத் துல்லியமாக தாக்கும் திறன் கொண்டதாகக் கூறப்படுகிறது.