பொலிஸ் ரோந்து வாகனம் மீது மோதிய கார் — இரு அதிகாரிகள் காயம்!

கனடாவின் ரொறன்ரோ நகரில், வாகனத் திருட்டு தொடர்பான விசாரணையின் போது சந்தேகத்திற்குரிய கார் ஒன்று காவல் துறையின் ரோந்து வாகனத்தின் மீது மோதி விபத்துக்குள்ளானதில், இரண்டு காவல் அதிகாரிகள் காயமடைந்து மருத்துவமனையில் அனுமதிக்கப்பட்டுள்ளனர்.வியாழக்கிழமை அதிகாலை சுமார் 2:30 மணியளவில், ரெக்ஸ்டேல் பகுதியில் உள்ள இஸ்லிங்டன் அவென்யூ மற்றும் எல்ம்ஹர்ஸ்ட் டிரைவ் சந்திப்பில் நிறுத்தப்பட்டிருந்த வாகனம் ஒன்றை யாரோ உடைக்க முயல்வதாகக் காவல் துறைக்குத் தகவல் கிடைத்தது.சம்பவ இடத்திற்கு அதிகாரிகள் விரைந்தபோது, அங்கிருந்து இரண்டு வாகனங்கள் அதிவேகமாகத் தப்பிச் செல்வதைக் கண்டனர்.