முகம் சுழிக்கும் ரசிகர்கள்!

பாலிவுட் நடிகை ராதிகா ஆப்தே, கரன் கந்தாரி இயக்கிய ‘சிஸ்டர் மிட்நைட்’ என்ற பிரிட்டிஷ் தயாரிப்பு டார்க் காமெடி படத்தில் முக்கிய கதாபாத்திரத்தில் நடித்துள்ளார்.

இப்படம் 2024 கான் திரைப்பட விழாவில் பரவலான பாராட்டுகளைப் பெற்று, 2025 பாஃப்டா விருதுகளுக்கு பரிந்துரைக்கப்பட்டது. இந்தியாவில் மே 30, 2025 அன்று திரையரங்குகளில் வெளியான இப்படத்தில், ராதிகா ஆப்தேவின் நிர்வாண காட்சி ஒன்று இடம்பெற்றிருந்தது.

ஆனால், இந்திய வெளியீட்டிற்கு முன்பு, சென்ட்ரல் போர்டு ஆஃப் ஃபிலிம் சர்டிஃபிகேஷன் (சிபிஎஃப்) இந்த காட்சியை நீக்க உத்தரவிட்டு, படத்திற்கு ‘A’ சான்றிதழ் வழங்கியது.

மேலும், படத்தில் உள்ள கெட்ட வார்த்தைகளை முடக்கவும், மூடநம்பிக்கையை ஊக்குவிக்கவில்லை என்று தெளிவுபடுத்தும் மறுப்பு அறிவிப்பை சேர்க்கவும் உத்தரவிடப்பட்டது.

இந்நிலையில், படத்தின் டிஜிட்டல் வெளியீட்டிற்குப் பிறகு, தணிக்கை செய்யப்படாத நிர்வாண காட்சிகள் ஆன்லைனில் கசிந்து, சமூக வலைதளங்களில் வைரலாகியுள்ளன. இதனைப் பார்த்த ரசிகர்கள், “என்ன கன்றாவி இது?” என்று அதிர்ச்சியுடன் கருத்து தெரிவித்து வருகின்றனர்.

சிலர் இந்த காட்சிகளை சமூகத்தின் “மனநோய் மனப்பான்மை” காரணமாக வைரலாக்குவதாக ராதிகா ஆப்தே முன்பு குறிப்பிட்டிருந்தார். முன்னதாக, ‘பார்ச்டு’, ‘மேட்லி’, மற்றும் ‘தி வெடிங் கெஸ்ட்’ ஆகிய படங்களிலும் ராதிகாவின் தைரியமான காட்சிகள் சர்ச்சையை ஏற்படுத்தியிருந்தன.

இப்படத்தில், உமா என்ற பெண்ணாக நடித்துள்ள ராதிகா, மும்பையில் ஒரு மந்தமான திருமண வாழ்க்கையில் சிக்கி, விசித்திரமான உணர்ச்சிகளுக்கு ஆளாகும் கதாபாத்திரத்தை சித்தரித்துள்ளார்.

இந்த சர்ச்சை, இந்திய சினிமாவில் கலைநோக்கு மற்றும் தணிக்கை மோதல்கள் குறித்த விவாதங்களை மீண்டும் எழுப்பியுள்ளது. முழு விசாரணைக்குப் பிறகே இந்த கசிவு குறித்த முழு விவரங்கள் தெரியவரும்.