நுவரெலியாவில் உள்ள ‘ஐஸ்’ தொழிற்சாலை குறித்து துல்லியமான தகவல் இல்லை!

நுவரெலியா பகுதியில் ‘ஐஸ்’ என்ற போதைப்பொருள் தயாரிக்கும் தொழிற்சாலை கண்டுபிடிக்கப்பட்டதாகக் கூறப்படும் இடம் தொடர்பான துல்லியமான தகவல்களை இன்னும் உறுதிப்படுத்த முடியவில்லை என்று பொலிஸ் ஊடகப் பேச்சாளர் தெரிவித்துள்ளார்.

அரசாங்க தகவல் திணைக்களத்தில் இன்று (22) நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில் உரையாற்றும் போதே அவர் இதனைத் தெரிவித்தார்.

நுவரெலியா இடம் தொடர்பாக கிடைக்கப்பெற்ற தகவல்கள் குறித்து தற்போது மேலதிக விசாரணைகள் நடைபெற்று வருவதாகவும் பொலிஸ் ஊடகப் பேச்சாளர் மேலும் தெரிவித்தார்.

சரியான தகவல்கள் கிடைக்கும் வரை உண்மைகளை வெளியிட வேண்டிய கட்டாயம் இல்லை என்றும் அவர் வலியுறுத்தினார்.

இருப்பினும், தொடர்புடைய விசாரணைகளுக்கு எந்தத் தடையும் இல்லை என்றும், அத்தகைய சூழ்நிலையில் முன்கூட்டியே தகவல்களை வெளியிடுவது விசாரணையை பாதிக்கக் கூடும் என்றும் பொலிஸ் ஊடகப் பேச்சாளர் சுட்டிக்காட்டினார்.

இந்த சம்பவம் தொடர்பாக எதிர்காலத்தில் துல்லியமான தகவல்களை வழங்க முடியும் என்று அவர் மேலும் தெரிவித்துள்ளார்.