இந்திய – இலங்கை மாநாட்டில் – நாமல் ராஜபக்ச

இந்தியாவுக்கும் இலங்கைக்கும் இடையிலான வர்த்தகம், பாதுகாப்பு மற்றும் இராஜதந்திர உறவுகளை வலுப்படுத்துவதை நோக்கமாகக் கொண்டு, புதுடில்லியில் நடைபெறும் ‘ரைசிங் பாரத் உச்சி மாநாடு 2025’ இல் இன்று பொதுஜன முன்னணி நாடாளுமன்ற உறுப்பினர் நாமல் ராஜபக்ச பங்கேற்றார்.

செல்வாக்கு மிக்க தலைவர்கள் மற்றும் சிந்தனையாளர்களை ஒன்றிணைக்கும் இந்த உச்சிமாநாடு, முக்கிய பிராந்திய பிரச்சினைகள் மற்றும் எதிர்கால ஒத்துழைப்புகளில் கவனம் செலுத்துகிறது.

உரையாடல், ஒத்துழைப்பு மற்றும் பகிரப்பட்ட முன்னேற்றம் மூலம் இந்திய-இலங்கை உறவுகளை வலுப்படுத்துதல் என்ற தலைப்பில் ஒரு குழு விவாதத்தின் போது நாமல் ராஜபக்ச உரை நிகழ்த்தினார்.

பிராந்தியத்தில் பரஸ்பர வளர்ச்சி மற்றும் ஸ்திரத்தன்மைக்காக இந்தியாவுக்கும் இலங்கைக்கும் இடையில் ஆழமான ஒத்துழைப்பை வளர்ப்பதன் முக்கியத்துவத்தை அவரது கருத்துக்கள் எடுத்துரைத்தன.

இந்தியப் பிரதமர் நரேந்திர மோடியும் இன்று பிற்பகல் உச்சிமாநாட்டில் கலந்துகொள்வார் என்று எதிர்பார்க்கப்படுகிறது, இது இரு நாடுகளுக்கும் இடையிலான இருதரப்பு உறவுகளின் முக்கியத்துவத்தை  காட்டுகிறது.

இந்தியாவுக்கும் இலங்கைக்கும் இடையிலான வர்த்தகம், பாதுகாப்பு மற்றும் இராஜதந்திர ஈடுபாட்டிற்கான எதிர்கால வழிகளைப் பற்றி விவாதிப்பதற்கான ஒரு முக்கியமான தளமே, இந்த உச்சிமாநாடு என்று ஏற்பாட்டாளர்கள் தெரிவித்துள்ளனர்.