கனடாவில் போலி நாணயத்தாள் குறித்து எச்சரிக்கை!

கனடாவின் ஒன்டாரியோ மாகாணத்தில் போலி நாணயத்தாள் தொடர்பில் எச்சரிக்கை விடுக்கப்பட்டுள்ளது.

பிளைண்ட் ரிவர் பகுதியில் உள்ள ஒரு வங்கியில் போலி பணம் பயன்படுத்தப்பட்டதாக தகவல் கிடைத்துள்ளதாக பொலிஸார் தெரிவித்துள்ளனர்.

ஐரன் பிரிட்ஜ் பகுதியில் உள்ள ஒரு வணிக நிலையத்திற்கு வழங்கப்பட்ட நான்கு போலி 20 டாலர் நோட்டுகள், மார்ச் 24 அன்று அந்த நிறுவனம் வங்கியில் பணத்தை வைப்பு செய்ய முயன்றபோது கண்டறியப்பட்டன.

மேலும், சம்பவத்துடன் தொடர்புடையதாக இருக்கக்கூடிய 100 டாலர் நோட்டின் மூலமும் இதுவரை கண்டறியப்படவில்லை என்று போலீசார் கூறியுள்ளனர். “தற்போது சந்தேக நபரை அடையாளம் காண போதுமான ஆதாரங்கள் இல்லை. எ

னினும், பணத்தை கையாளும் போது பொதுமக்களும் வணிக நிறுவனங்களும் அதிக கவனத்துடன் இருக்க வேண்டும்,” என போலீசார் வெளியிட்ட செய்திக்குறிப்பில் தெரிவித்துள்ளனர்.

போலீசார் கைப்பற்றிய போலி நோட்டுகளின் படங்களையும் வெளியிட்டு, அவை எவ்வாறு போலி என்று அடையாளம் காணப்பட்டன என்பதையும் விளக்கியுள்ளனர். அதன்படி,

• நோட்டின் வெளிப்படையான ஜன்னல் பகுதி ஒட்டப்பட்டிருந்தது, • 20 டாலர் நோட்டுகளில் ஒரே சீரியல் எண்கள் இருந்தன,

• ‘Canada’ என்ற வார்த்தையின் கீழ் பிரெயில் எழுத்துக்கள் இல்லை என்பன கண்டறியப்பட்டுள்ளன. போலி பணத்தை அடையாளம் காண சில வழிகள்:

• தொட்டு பார்க்கவும்: உண்மையான நோட்டுகள் மென்மையான பாலிமர் பொருளில் தயாரிக்கப்பட்டு, எழுத்துகள் உயர்வாக இருக்கும். கிழியும் அல்லது மெலிதாக உணரப்படும் நோட்டுகள் சந்தேகத்துக்குரியவை.

• ஜன்னலை சரிபார்க்கவும்: வெளிப்படையான பகுதி நோட்டின் ஒரு பகுதியாகவே இருக்க வேண்டும்; ஒட்டப்பட்டதாக இருக்கக் கூடாது. அதில் தெளிவான உலோகப் படங்களும் மறைந்த எண்களும் இருக்க வேண்டும்.

• சாய்த்து பார்க்கவும்: உலோக அம்சங்கள் நிறம் மாற வேண்டும்; ஜன்னலில் உள்ள படங்கள் இருபுறமும் ஒரேபோல காணப்பட வேண்டும்.

• நுணுக்கமாக பார்க்கவும்: எழுத்துகள் தெளிவாக இருக்க வேண்டும்; மங்கலான அச்சு அல்லது ‘Prop Money’ போன்ற வார்த்தைகள் இருந்தால் அது போலி என்று அறியலாம்.

போலி நோட்டு கிடைத்தால் அதை மீண்டும் வழங்க வேண்டாம் என்றும், மாற்று கட்டணம் கோரியும் உடனடியாக பொலிஸாருக்கு தகவல் அளிக்குமாறு அறிவுறுத்தியுள்ளனர்.