கனடாவில் 33,000 ஃபோர்ட் வாகனங்கள் அவசரமாகத் திரும்பப் பெறப்படுகின்றன!

பிரபல வாகன உற்பத்தி நிறுவனமான ஃபோர்ட், கனடாவில் விற்பனை செய்யப்பட்ட சுமார் 33,000 வாகனங்களை அதன் ‘டிரான்ஸ்மிஷன் பார்க்’ அமைப்பில் ஏற்பட்டுள்ள தொழில்நுட்பக் கோளாறு காரணமாக அவசரமாகத் திரும்பப் பெறுவதாக அறிவித்துள்ளது.

வியாழக்கிழமை (ஜூலை 2, 2026) ஃபோர்ட் கனடா நிறுவனம் வெளியிட்ட அறிக்கையின்படி, வாகனங்களை ஓட்டும்போது கியர் மாற்றுவதில் ஏற்படும் சில குறிப்பிட்ட சிக்கல்களால், வாகனத்தை ‘பார்க்’ (Park – P) மோடில் நிறுத்தும் தொழில்நுட்பக் கூறுகள் சேதமடையக்கூடும் எனக் கண்டறியப்பட்டுள்ளது.

இந்தக் கோளாறு காரணமாக, வாகனம் ‘பார்க்’ மோடில் இருக்கும்போது அது பாதுகாப்பாக ஒரே இடத்தில் நிற்பதை டிரான்ஸ்மிஷன் அமைப்பால் உறுதி செய்ய முடியாமல் போகலாம். இதனால் வாகனம் தானாக நகர்ந்து விபத்துக்கள் ஏற்பட வாய்ப்புள்ளது.