கனடாவில் நகைக்கடை கொள்ளை முயற்சி: 13 வயது சிறுவன் உட்பட நான்கு பதின்மவயதினர் கைது

கனடாவின் மொன்றியல் நகரில் உள்ள அஹுன்ட்சிக்-கார்டியர்வில் பகுதியில், திங்கட்கிழமை அதிகாலை நகைக்கடை ஒன்றில் கொள்ளையடிக்க முயன்ற குற்றச்சாட்டில் நான்கு பதின்மவயதினர் கைது செய்யப்பட்டுள்ளனர்.

திங்கட்கிழமை அதிகாலை 1:45 மணியளவில், புளூரி வீதியில் குரோட் அவென்யூ சந்திப்பிற்கு அருகில் உள்ள நகைக்கடை ஒன்றில் உடைப்பு ஏற்பட்டுள்ளதாக அவசர இலக்கமான 911 இற்கு பல அழைப்புகள் கிடைத்துள்ளதாக மொன்றியல் பொலிஸார் தெரிவித்துள்ளனர்.

முதற்கட்ட விபரங்களின்படி, சந்தேகநபர்கள் எஸ்.யூ.வி (SUV) ரக சொகுசு வாகனம் ஒன்றைப் பயன்படுத்தி நகைக்கடையின் முன்பக்கக் கண்ணாடியை மோதி உடைத்துள்ளனர் என பொலிஸார் தெரிவித்துள்ளனர்.