இலங்கையில் முதல் முறையாக: Christell Acne Lab முழுமையான முகப்பரு தடுப்பு குறித்த உடனடி தோற்ற அனுபவ நிகழ்வு மற்றும் குழு கலந்துரையாடலை One Galle Faceல் நடத்தியது

கிறிஸ்டெல் லக்சரி வெல்னஸ் (Christell Luxury Wellness) நிறுவனமானது கடந்த வார இறுதியில் One Galee Face Mallல் முகப்பரு தடுப்புக்கான ஒரு ஆழமான மற்றும் தகவல் தரும் உடனடி தோற்ற அனுபவத்துடன், அறிவியல் பூர்வமான முகப்பருவுக்கெதிரான முயற்சிகள் தொடர்பாக ஆராய்வதற்கான பொதுமக்களுக்கான நிகழ்வொன்றை நடத்தியது. இந்நிகழ்வில் கிறிஸ்டெல் முகப்பரு ஆய்வு நிலையமானது இலங்கையில் முகப்பரு பராமரிப்பை மீள் வரையறை செய்வதற்கான அதன் உறுதிப்பாட்டின் ஒரு பகுதியாக இலங்கையின் முதல் முக ஸ்கேனரைப் பயன்படுத்தி சரும பகுப்பாய்வை வழங்கியதுடன் தனிப்பயனாக்கப்பட்ட சரும பராமரிப்பு வழிகாட்டுதல், நிபுணர் ஆலோசனைகள், தயாரிப்பு பரிந்துரைகள் மற்றும் முகப்பருவின் தோற்றங்களை நீக்குவதை நோக்கமாகக் கொண்ட அமர்வுகளையும் வழங்கியது. 

வெள்ளிக்கிழமை முதல் ஞாயிற்றுக்கிழமை வரை நடைபெற்ற நிகழ்வானது, ஆயிரக்கணக்கான பார்வையாளர்களை ஈர்த்ததுடன் அவர்களில் பலர் விளையாட்டுகள், கல்வி நடவடிக்கைகளில் ஈடுபட்டதுடன் கிறிஸ்டலின் நிபுணர்கள் குழுவினர், சரும பராமரிப்பு நிபுணர்கள் மற்றும் ஊட்டச்சத்து நிபுணர்களுடன் உரையாடல்களில் ஈடுபட்டனர். வார இறுதியின் முக்கிய சிறப்பம்சங்களில் ஒன்று, தளத்தில் நடைபெற்ற முகப்பரு தடுப்பு குறித்த குழு விவாதம் ஆகும். அங்கு பல்வேறு துறைகளைச் சேர்ந்த நிபுணர்கள் முகப்பரு சிகிச்சை எவ்வாறு சரும ஆழமான தீர்வுகளுக்கு அப்பால் செல்ல வேண்டும் என்பது குறித்த நுண்ணறிவுகளைப் பகிர்ந்து கொண்டனர். 

இந்த குழு நிகழ்வானது குடல் ஆரோக்கியத்திற்கும் முகப்பருவிற்கும் உள்ள தொடர்பைப் பற்றிப் பேசிய கிறிஸ்டலின் ஊட்டச்சத்து ஆலோசகர் டாக்டர் ரைதா வஹாப் டேனியல் அளித்த சக்திவாய்ந்த செய்தியுடன் ஆரம்பமானது. உங்கள் குடல் தான் உங்களுக்கு எஜமானன். இது உங்கள் சருமம் உட்பட உங்கள் உடலின் மற்ற பகுதிகளுக்கு சமிக்ஞைகளை அனுப்புகிறது, என்று அவர் விளக்கினார், பதப்படுத்தப்படாத, உள்ளூர் உற்பத்திகள் நிறைந்த உணவானது சரும ஆரோக்கியத்தை ஆதரிப்பதில் அதிக பங்கு வகிக்கும் என்பதை அவர் வலியுறுத்தினார். நாம் அடிக்கடி மத்திய தரைக்கடல் உணவைப் பற்றி கேள்விப்படுகிறோம், ஆனால் நமது சொந்த உணவான சிவப்பு பச்சை அரிசி, வல்லாரை கீரை, பருப்பு மற்றும் மீன் என்பன சமச்சீரான, ஆரோக்கியமான முறையில் தயாரிக்கப்படும்போது மிகவும் பயனுள்ளதாக இருக்கும். கொய்யா மற்றும் இலை கீரைகள் போன்ற விட்டமின் சி நிறைந்த உள்ளூர் உணவுகளுடன் கொலாஜன் புரத சேர்க்கைகளை இணைப்பதன் மூலம் கொலாஜன் உற்பத்தியை அதிகரிக்க முடியும் என அவர் கூறினார். 

உள்நாட்டு மருத்துவரான டாக்டர் ஹிருணி பூர்ணிமா நச்சு நீக்கம் என்ற பிரபலமான கருத்தாக்கத்திற்குப் பின்னால் உள்ள அறிவியலை வெளிப்படுத்தி, விவாதத்தைத் தொடர்ந்தார். நமது குடல், கல்லீரல் மற்றும் சிறுநீரகங்கள் உடலில் இருந்து நச்சுகளை அகற்ற இயற்கையாகவே செயல்படுகின்றன என்று அவர் விளக்கினார். நல்ல நீரேற்றம், ஆரோக்கியமான தூக்கம் ஆகியவற்றை பின்பற்றுவதுடன் மது அருந்துவதைக் குறைப்பதன் மூலம் இந்த செயல்முறையை மேற்கொள்ள முடியும். இன்றைய நவீன வாழ்க்கை முறையால், நாம் மன அழுத்தத்திற்கு உள்ளகுகிறோம். தினமும் இரண்டு முதல் மூன்று லிட்டர் தண்ணீர், சீரான தூக்கம் மற்றும் படுக்கைக்கு 60 முதல் 90 நிமிடங்கள் வரை திரைகளைத் தவிர்ப்பது மிகப்பெரிய மாற்றத்தை ஏற்படுத்தும், என்று அவர் கூறினார். த்ரீபலா மற்றும் அஸ்வகந்தா போன்ற இயற்கை சேர்க்கைகள் பயன்படுத்தப்படும்போது நன்மை பயக்கும் என்றும் அவர் குறிப்பிட்டார். 

முகப்பருவின் உணர்ச்சி மற்றும் உளவியல் பரிமாணங்களையும் குழு கையாண்டது. கிறிஸ்டலின் மனநல மருத்துவர் மற்றும் நல்வாழ்வு நிபுணரான டொக்டர் ஷமிந்த்ரி பந்துசேன, முகப்பருவும் உணர்ச்சி நல்வாழ்வும் எவ்வாறு நெருக்கமாகப் பின்னிப் பிணைந்துள்ளன என்பதை விளக்கினார். மன அழுத்தம் கோர்டிசோல் அளவை அதிகரிக்கிறது, இது முகப்பருவை மோசமாக்கும். முகப்பருவானது சுயமரியாதையைக் குறைத்து, ஒரு தீய சுழற்சியை உருவாக்குகிறது. வாடிக்கையாளர்கள் தமது சருமத்திற்கு அப்பால் பார்க்கவும், சுய மதிப்பை மீண்டும் உருவாக்கவும் உதவுவது நீண்டகால குணப்படுத்துதலின் ஒரு முக்கிய பகுதியாகும், என்று அவர் குறிப்பிட்டார். 

கிறிஸ்டெல் முகப்பரு ஆய்வு நிலையத்தின் ஸ்தாபகரும், அழகியல் மற்றும் மீளுருவாக்க மருத்துவ நிபுணருமான டாக்டர் ஷானிகா அர்செகுலரத்ன, சருமப் பராமரிப்பு புதுமைகளை காலத்தால் சோதிக்கப்பட்ட முழுமையான பராமரிப்புடன் இணைப்பதன் முக்கியத்துவத்தை எடுத்துரைத்தார். “சருமப் பராமரிப்பு வேகமாக உருவாகி வருகிறது, ஆனால் முகப்பருவின் மூல காரணத்திற்குச் செல்லும் ஒரு முழுமையான செயல்முறையின் மதிப்பு காலத்தால் அழியாதது,” என்று அவர் கூறினார். “முகப்பரு போன்ற மிகவும் எளிமையானதாகத் தோன்றும் ஒன்றைக் கையாள பல்வேறு துறைகளைச் சேர்ந்த மருத்துவர்கள் ஒன்றிணைவது மிகவும் அரிது, அதுதான் முகப்பரு ஆய்வுநிலையத்தை தனித்துவமாக்குகிறது. உண்மைதான், நீடித்த முடிவுகள் ஒருங்கிணைந்த, உள்ளிருந்து வெளியே செல்லும் அணுகுமுறையிலிருந்து மட்டுமே வருகின்றன.” 

இந்த உடனடி தோற்ற அனுபவம் மற்றும் குழு நிகழ்வானது , கிறிஸ்டெல் முகப்பரு ஆய்வு நிலையத்தின் விழிப்புணர்வை உருவாக்குதல், மற்றும் சரும ஆரோக்கியத்தைச் சுற்றி ஆதரவான சமூகங்களை உருவாக்குவதற்கான தொடர்ச்சியான முயற்சியின் ஒரு பகுதியாகும். சருமப் பராமரிப்பை மேலும் அணுகக்கூடியதாகவும், அறிவியல் சார்ந்ததாகவும் மாற்றுவதன் மூலம், கிறிஸ்டெல் முகப்பருவை ஒரு அழகுசார்ந்த ப் பிரச்சினையாக மட்டுமல்லாமல், முழு உடலுக்கும், முழு நபருக்கும் சிகிச்சையளிக்கும் நோக்கத்துடன் வழிநடத்துகிறது. 

கிறிஸ்டெல் லக்சரி வெல்னஸ் பற்றி 

டொக்டர் ஷானிகா அர்செகுலரத்னவால் நிறுவப்பட்ட கிறிஸ்டெல் லக்சரி வெல்னஸ் என்பது இலங்கையின் முதன்மையான அழகியல் மற்றும் சரும சுகாதார மருத்துவமனையாகும். கிறிஸ்டெல் முகப்பரு ஆய்வுநிலையம் என்பது மேம்பட்ட சரும மருத்துவ அறிவியல், வாழ்க்கை முறை வழிகாட்டுதல் மற்றும் உணர்ச்சி நல்வாழ்வு ஆகியவற்றால் ஆதரிக்கப்படும் தனிப்பயனாக்கப்பட்ட முகப்பரு மற்றும் முகப்பரு வடுக்களுக்கான சிகிச்சைகளை வழங்கும் பயிற்சி நிலையத்தில் உள்ள ஒரு சிறப்புப் பிரிவாகும். கிறிஸ்டெல் ஆனது பல துறைசார் நிபுணர்களின் உதவியுடன் சரும பராமரிப்பிற்கான சிகிச்சைகளை வழங்கி வருகிறது.