கனடாவின் மக்கள் தொகையில் திடீர் சரிவு

கனடாவின் மக்கள் தொகை 2025-ஆம் ஆண்டின் கடைசி மூன்று மாதங்களில் ஒரு லட்சத்திற்கும் அதிகமானோரால் குறைந்துள்ளதாக கனடா புள்ளிவிவரத் திணைக்களம் வெளியிட்டுள்ள முதற்கட்ட மதிப்பீடுகள் தெரிவிக்கின்றன.

2025-ஆம் ஆண்டின் கடைசி ஆறு மாதங்களில் மட்டும் 1,79,572 பேர் குறைந்துள்ளனர்.

குறிப்பாக அக்டோபர் முதல் டிசம்பர் வரையிலான காலகட்டத்தில் மக்கள் தொகை ஒரு லட்சத்திற்கும் மேல் சரிந்துள்ளது.

கனடாவில் தற்காலிகமாகத் தங்கியிருப்பவர்களின் (Non-permanent residents) எண்ணிக்கை 1,71,000-ஆல் சரிந்ததே இந்த வீழ்ச்சிக்கு முதன்மைக் காரணமாகும்.

குறிப்பாக மாணவர் அனுமதி (Study permit) மற்றும் பணி அனுமதி (Work permit) வைத்திருப்பவர்களின் எண்ணிக்கை கணிசமாகக் குறைந்துள்ளது.

2025 அக்டோபர் முதல் 2026 ஜனவரி வரையிலான காலத்தில், பிறப்புகளை விட இறப்புகளின் எண்ணிக்கை 781 அதிகமாகப் பதிவாகியுள்ளது.

மக்கள் தொகை சரிந்தாலும், 2025-இன் கடைசி மூன்று மாதங்களில் 83,000 புதிய நிரந்தரக் குடியிருப்பாளர்களை (Permanent Residents) கனடா வரவேற்றுள்ளது.

இது 2024-ஐ விட 19% குறைவு என்றாலும், நாட்டின் வளர்ச்சி விகிதத்திற்கு ஓரளவு கைகொடுத்துள்ளது.

மக்கள் தொகை வீழ்ச்சியைக் கட்டுப்படுத்தவும், திறன்மிக்க பணியாளர்களைத் தக்கவைக்கவும் கனடா அரசு புதிய நடவடிக்கைகளை எடுத்து வருகிறது.