2026 முதல் காலாண்டில் சீனப் பொருளாதாரம் 5% வளர்ச்சி

2026 ஆம் ஆண்டின் முதல் காலாண்டில் சீனாவின் மொத்த உள்நாட்டு உற்பத்தி 5% வளர்ச்சியடைந்துள்ளது. ஈரான் போரினால் ஏற்பட்ட எரிசக்தி நெருக்கடிகளை முறியடித்து, சீனப் பொருளாதாரம் எதிர்பார்த்ததை விட அதிக வளர்ச்சியைப் பதிவு செய்துள்ளதாக அந்நாட்டு ஊடகங்கள் தெரிவிக்கின்றன.

இதற்கு முந்தைய காலாண்டில் சீனாவின் மொத்த தேசிய உற்பத்தி 4.5% ஆகக் காணப்பட்டது. பொருளாதார நிபுணர்கள் இந்த ஆண்டு வளர்ச்சி 4.7% ஆக இருக்கும் என்று கணித்திருந்த நிலையில், அது 5% வரை உயர்ந்ததற்கு சீனாவின் வலுவான ஏற்றுமதி வர்த்தகமே முக்கிய காரணமாக அமைந்ததாக அந்நாட்டு அறிக்கைகள் சுட்டிக்காட்டுகின்றன.

ஈரான் – அமெரிக்கப் போரின் விளைவாக எரிபொருள், இரசாயனப் பொருட்கள் மற்றும் உலோகங்களின் விலைகள் அதிகரித்துள்ளன. 

இந்த விலை உயர்வு மொத்த உள்நாட்டு உற்பத்தி மதிப்புகளிலும் தாக்கத்தை ஏற்படுத்தியுள்ளதாகக் கூறப்படுகிறது. எவ்வாறாயினும், உலகச் சந்தையின் சவால்களுக்கு மத்தியிலும் சீனப் பொருளாதாரம் எதிர்பார்த்ததை விட சிறந்த வளர்ச்சியை வெளிப்படுத்தியுள்ளது.