அவுஸ்திரேலியா சென்ற திலித் – முக்கியஸ்தர்களுடன் சந்திப்பு

பாராளுமன்ற உறுப்பினரும் தொழில்முனைவாளர் திலித் ஜயவீர, அவுஸ்திரேலியாவிற்கு விஜயம் மேற்கொண்டு அந்நாட்டின் பல முக்கிய அரசியல் பிரதிநிதிகளுடன் விசேட கலந்துரையாடல்களில் ஈடுபட்டுள்ளார். 

இதற்கமைய, விக்டோரியா பாராளுமன்ற உறுப்பினர் எவன் முல்ஹோலண்ட் (Evan Mulholland) மற்றும் மேற்கு விக்டோரியா பிராந்தியத்தின் எதிர்க்கட்சித் தலைவரும் விக்டோரியா பாராளுமன்ற உறுப்பினருமான பெவர்லி மெக்ஆர்தர் (Beverley McArthur) ஆகியோருடன் பாராளுமன்ற உறுப்பினர் திலித் ஜயவீர விசேட கலந்துரையாடலில் ஈடுபட்டார். 

இதன்போது, இலங்கைக்கும் அவுஸ்திரேலியாவுக்கும் இடையிலான நீண்டகால உறவுகளை வலுப்படுத்துவதற்காக அவுஸ்திரேலியா வழங்கி வரும் ஆதரவிற்கு அவர் தமது நன்றியை தெரிவித்துள்ளார்.