ஈட்டி எறிதலுக்கான உலக தரவரிசையில் ரூமேஷ் தரங்க முதலிடத்தில்

உலகின் ஆடவருக்கான ஈட்டி எறிதல் போட்டிக்கான தரவரிசை பட்டியலில் இலங்கையின் ரூமேஷ் தரங்க முதலிடத்திற்கு முன்னேறியுள்ளார். 

அண்மையில் கிளாஸ்கோவில் நடைபெற்ற பொதுநலவாய விளையாட்டுப் போட்டிகளில் 89.75 மீற்றர் தூரம் ஈட்டியை எறிந்து அவர் தங்கப் பதக்கத்தை வென்ற நிலையில், இவ்வாறு தரப்படுத்தலில் முன்னேற்றம் கண்டுள்ளார். 

இலங்கையின் ருமேஷ் தரங்க 1,354 தரவரிசைப் புள்ளிகளுடன் ஆடவருக்கான ஈட்டி எறிதல் போட்டியில் உலகின் முதலாம் நிலை வீரராக உருவெடுத்துள்ளார். 

இதன் மூலம், ஈட்டி எறிதலில் உலகத் தரவரிசையில் முதலிடத்தைப் பிடித்த முதல் இலங்கையர் என்ற வரலாற்றுப் பெருமையையும் அவர் பெற்றுள்ளார்.