ஏற்றுக்கொள்ள முடியாத நடவடிக்கை-ரஷ்ய தூதர அதிகாரிகளை வெளியேற்றிய ஹங்கேரி!

  தூதரக நிலைமைக்கு முரணான “ஏற்றுக்கொள்ள முடியாத” நடவடிக்கைகளில் ஈடுபட்டதாகக் கூறி, ரஷ்யாவைச் சேர்ந்த 10 தூதரக அதிகாரிகளை நாட்டை விட்டு வெளியேறுமாறு ஹங்கேரி உத்தரவிட்டுள்ளது.

ஹங்கேரியின் பாதுகாப்பு மற்றும் இறையாண்மையைப் பாதுகாப்பதற்கான இந்த முடிவு, ரஷ்யாவுடன் தூதரக உறவுகளைத் துண்டித்துக் கொள்வதாக அர்த்தப்படாது என்று ஹங்கேரியின் துணைப் பிரதமரும் வெளியுறவு அமைச்சருமான அனிதா ஓர்பன் தெரிவித்துள்ளார்.

எனினும், ஹங்கேரியின் இந்த நடவடிக்கைக்கு “கடுமையான மற்றும் வேதனையான” பதிலடி கொடுக்கப்படும் என்று ரஷ்ய வெளியுறவு அமைச்சகத்தின் செய்திப்பலகை மரியா சகாரோவா தெரிவித்தார்.

2022 இல் யுக்ரைன் மீதான முழு அளவிலான படையெடுப்புக்குப் பிறகு, ரஷ்யாவின் ஐரோப்பிய ஒன்றிய நட்பு நாடுகளில் ஹங்கேரியும் ஒன்றாக இருந்தது.

இது ஒரு “சட்டபூர்வமான முடிவு” என்று ஐரோப்பிய ஒன்றியத்தின் பேச்சாளர் கிறிஸ்டியன் விகாண்ட் செய்தியாளர்களிடம் தெரிவித்தார். அத்துடன், நிலைமையை ஐரோப்பிய ஒன்றியம் “தொடர்ந்து நெருக்கமாக ஒருங்கிணைக்கும்” என்றும் கூறினார்.

யுக்ரைன் மீதான முழு அளவிலான போரைத் தொடர்ந்து பல ஐரோப்பிய ஒன்றிய உறுப்பு நாடுகள் ரஷ்ய தூதர்களை வெளியேற்றியிருந்தபோதும், இதுவரை ஹங்கேரி மாத்திரம் அந்த நடவடிக்கையில் ஈடுபடாமல் இருந்து வந்த நிலையில் தற்போது ரஷ்ய தூதர அதிகாரிகளை ஹங்கேரி வெளியேற்றியுள்ளது.