கனடா பொலிஸார் பெற்றோர்களுக்கு விடுத்துள்ள புதிய எச்சரிக்கை

“தி காம்” என்ற இணையவழியில் சிறுவர்களை இலக்கு வைத்து மேற்கொள்ளப்படும் மோசடிகள் குறித்து கனடாவின் டர்ஹாம் பிராந்தியப் பொலிஸார் பெற்றோர்களுக்கு மீண்டுமொரு அவசர எச்சரிக்கையை விடுத்துள்ளனர்.பிரபல சமூக வலைத்தளங்கள் மற்றும் கணினி விளையாட்டுக்கள் வழியாகச் சிறுவர்களை இலக்குவைத்து, அவர்களை ஏமாற்றி, மிரட்டிப் பாலியல் சுரண்டல் மற்றும் குற்றச் செயல்களில் ஈடுபடுத்தும் நோக்கில் இக்குழுவினர் செயல்பட்டு வருவதாகக் காவல்துறையினர் சுட்டிக்காட்டியுள்ளனர்.8 வயதுடைய சிறிய குழந்தைகள் முதல் பெரியவர்கள் வரை டிஸ்கார்ட், டெலிகிராம், ஸ்னாப்சாட், ரோப்லாக்ஸ், மைன்கிராஃப்ட், ட்விட்ச் மற்றும் ஸ்டீம் போன்ற செயலிகள் வாயிலாக இக்குழுவால் குறிவைக்கப்படுவதாகக் காவல் துறை தெரிவித்துள்ளது.