தோல்வியுடன் முதல் டெஸ்ட் போட்டியில் மோசமான சாதனை படைத்த இந்தியா!

இங்கிலாந்து – இந்தியா அணிகளுக்கு இடையிலான முதலாவது டெஸ்ட் கிரிக்கெட் போட்டியில் இங்கிலாந்து அணி 05 விக்கெட்டுக்களால் வெற்றிப்பெற்றுள்ளது.

போட்டியில் முதல் இன்னிங்சில் முறையே இந்தியா 471 ஓட்டங்களும், இங்கிலாந்து 465 ஓட்டங்களும் எடுத்தன.

பின்னர் 6 ஓட்டங்கள் முன்னிலையுடன் 2-வது இன்னிங்சில் துடுப்பாடிய இந்திய அணி அனைத்து விக்கெட்டுக்களையும் இழந்து 364 ஓட்டங்களை பெற்றது.

இதனையடுத்து 371 ஓட்டங்கள் என்ற இலக்கை நோக்கி துடுப்பாடிய இங்கிலாந்து அணி இரண்டாவது இன்னிங்சில் 5 விக்கெட்டுகள் இழப்புக்கு 373 ஓட்டங்களை பெற்று 05 விக்கெட்டுக்கள் வித்தியாசத்தில் வெற்றி பெற்றது.

துடுப்பாட்டத்தில் அந்த அணி சார்பில் அதிகபட்சமாக பென் டக்கெட் 149 ஓட்டங்ளை பெற்றுக்கொடுத்தார்.

இதன் மூலம் 5 போட்டிகள் கொண்ட இந்த டெஸ்ட் தொடரில் 1 – 0 என்ற கணக்கில் இங்கிலாந்து முன்னிலை பெற்றுள்ளது.

இந்நிலையில், ஒரு போட்டியில் 5 சதங்கள் அடித்தும் தோல்வியடைந்த அணி என்ற மோசமான சாதனையை இந்திய அணி படைத்துள்ளது.

கடந்த 148 வருட டெஸ்ட் கிரிக்கெட்டில் இந்தியாவை தவிர வேறு எந்த அணியும் ஒரு போட்டியில் 5 சதங்கள் அடித்து தோல்வியடைந்ததில்லை என்பது குறிப்பிடத்தக்கது.