ஒட்டாவா மற்றும் மேற்கு கியூபெக் பகுதிகளில் பதிவான இரண்டு மர்ம மரணங்களுக்கு இடையே தொடர்பு இருக்கலாம் என்ற கோணத்தில், ஒட்டாவா மற்றும் கியூபெக் பொலிஸார் இணைந்து தீவிர விசாரணை மேற்கொண்டு வருகின்றனர்.
சனிக்கிழமை அதிகாலை 1 மணியளவில், கியூபெக்கின் பாப்பின்னோவில் பகுதிக்கு அருகில் உள்ள 50-வது நெடுஞ்சாலைக்கு கிழக்கே ஒற்றை வாகனம் விபத்துக்குள்ளானதாக ‘சூர்டே டு கியூபெக்’ பொலிஸாருக்கு தகவல் கிடைத்தது.
சம்பவ இடத்திற்கு விரைந்த அதிகாரிகள், வாகனத்திற்குள் பலத்த காயங்களுடன் இருந்த ஒருவரைக் கண்டறிந்தனர்.