நாளையும் 100 மிமீ மழைக்கு வாய்ப்பு

நாளையும் (21) பல மாவட்டங்களில் 100 மி.மீ.க்கும் அதிக பலத்த மழைக்கு பெய்வதற்கான சாத்தியம் உள்ளதாக வளிமண்டலவியல் திணைக்களம் எதிர்வுகூறியுள்ளது. திணைக்களம் இன்று பிற்பகல் வௌியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. நாட்டிற்கு வடகிழக்காக அந்தமான் பகுதிக்கு அருகில், வங்காள விரிகுடாவில் ஒரு குறைந்த அழுத்தப் பிரதேசம் உருவாகியுள்ளது. இத் தொகுதியினால் இலங்கைக்கு நேரடித் தாக்கம் எதுவும் ஏற்பட வாய்ப்பில்லை என்ற போதிலும், இத் தொகுதியை நோக்கிய காற்று வீசுகை காரணமாக, நாட்டின் தென்மேற்குப் பகுதிகளில் தற்போது நிலவும் மழை நிலைமை மேலும் தொடரும் என எதிர்பார்க்கப்படுகிறது.