கொழும்பு சர்வதேச புத்தகக் கண்காட்சி ஆரம்ப

இலங்கை புத்தக பதிப்பாளர்கள் சங்கத்தால் ஆண்டுதோறும் ஏற்பாடு செய்யப்படும் கொழும்பு சர்வதேச புத்தகக் கண்காட்சி, கொழும்பில் உள்ள பண்டாரநாயக்க சர்வதேச மாநாட்டு மண்டபத்தில் இன்று (25) ஆரம்பமாகிறது. 10 நாட்கள் இடம்பெறும் இந்த கண்காட்சி, ஒக்டோபர் 4 ஆம் திகதி வரை தினமும் காலை 9 மணி முதல் இரவு 9 மணி வரை நடைபெறும். இந்த ஆண்டு புத்தகக் கண்காட்சியின் அதிகாரப்பூர்வ ஊடக அனுசரணையாளர் ரி.வி. தெரண. 27வது கொழும்பு சர்வதேச புத்தகக் கண்காட்சியில் பொதுமக்கள், உள்ளூர் மற்றும் வெளிநாட்டுப் புத்தகங்களைச் சிறப்பு விலை கழிவுகளில் வாங்குவதற்கான வாய்ப்பைப் பெறுவார்கள். இதற்கிடையில், புத்தகக் கண்காட்சிக்கு வரும் வாசகர்கள், கண்காட்சி வளாகத்திற்குள் பொலித்தீனைக் கொண்டு வருவதைத் தவிர்க்குமாறு மத்திய சுற்றாடல் அதிகாரசபையின் தலைவர் பேராசிரியர் திலக் ஹெவாவசம் கேட்டுக்கொண்டுள்ளார்.