கடந்த 9 மாதங்களில் 211,666 பேர் வேலைவாய்ப்புக்காக வௌிநாடுகளுக்கு பயண

இந்த ஆண்டின் முதல் ஒன்பது மாதங்களில் 211,666 இலங்கை புலம்பெயர் தொழிலாளர்கள் வேலைவாய்ப்பிற்காக வெளிநாடுகளுக்குச் சென்றுள்ளதாக இலங்கை வெளிநாட்டு வேலைவாய்ப்புப் பணியகம் தெரிவித்துள்ளது. இவர்களில் 1,41,916 பேர் சொந்த முயற்சியிலும், 69,750 பேர் வெளிநாட்டு வேலைவாய்ப்பு முகவர் நிலையங்கள் மூலமாகவும் வெளிநாடுகளுக்குச் சென்றுள்ளனர். வெளிநாடுகளுக்குச் சென்ற தொழிலாளர்களில் 134,761 ஆண்களும், 76,905 பெண்களும் அடங்குவர் என்றும் அப்பணியகம் குறிப்பிடுகிறது. மேலும், வெளிநாடுகளுக்குச் சென்ற தொழிலாளர்களில் 108,343 பேர் தொழில்முறைத் தொழிலாளர்கள் (professional workers) என்பது சிறப்பு அம்சமாகும். இதனிடையே, இந்த ஆண்டின் ஜனவரி முதல் செப்டம்பர் வரையிலான காலப்பகுதியில் அதிக எண்ணிக்கையிலான தொழிலாளர்கள் செப்டம்பர் மாதத்திலேயே வெளிநாடுகளுக்குச் சென்றுள்ளனர். அந்த எண்ணிக்கையானது 29,752 ஆகும். மேலும், 2026 ஆம் ஆண்டின் முதல் எட்டு மாதங்களில் புலம்பெயர் தொழிலாளர்களின் பணப்பரிமாற்றமாக (remittances) 6,131 மில்லியன் அமெரிக்க டொலர்கள் நாட்டுக்கு கிடைத்துள்ளதாகவும் வெளிநாட்டு வேலைவாய்ப்புப் பணியகம் மேலும் தெரிவித்துள்ளது.