கனடாவில் வேலைக்காக காத்திருக்கும் நீண்ட வரிசை

கனடாவில், வெறும் 6 பணியிடங்களுக்காக, நீண்ட வரிசையில் காத்திரும் நிலை இருப்பதாக, இந்திய பெண் ஒருவர் சமூக வலைதளத்தில் வெளியிட்ட வீடியோ தற்போது வைரலாகி வருகிறது.

கனடாவில் சாதாரண வேலைக்கு கூட நீண்ட வரிசையில் நூற்றுக்கணக்கானோர் காத்திருக்கும் வீடியோவை அங்குள்ள இந்திய பெண் ஒருவர் இன்ஸ்டாகிராமில் பகிர்ந்துள்ளார். அந்த வீடியோவில் அந்தப் பெண் கூறியிருப்பதாவது,

கனடாவில் வேலைக்காக காத்திருக்கும் நீண்ட வரிசை | Long Queues Waiting For Jobs In Canada

சாதாரண வேலைக்கு கூட நீண்ட வரிசை
வெளிநாடுகளில் வாழ்க்கை என்பது பலருக்கும் கனவாகவே இருக்கும். ஆனால் சில நேரங்களில் அது இப்படி வெறும் நீண்ட வரிசையாகக்கூட இருக்கும். இது சர்வதேச மாணவர்களிடையே வேலைவாய்ப்புக்கான கடுமையான போட்டியை எடுத்துக்காட்டுகிறது.

வெளிநாடுகள் ஏராளமான வேலைவாய்ப்புகளையும் சிறந்த வாழ்க்கை முறையையும் உத்தரவாதம் அளிக்கின்றன என்று இந்தியர் பலர் பொதுவான நினைக்கிறார்கள்.

இங்குள்ள நிலைமையை பார்த்தால் உங்களுக்கே புரியும், வெளிநாடு சென்றுள்ளவர்கள் வேலைக்கு எப்படி காத்திருக்கிறார்கள் என்று தெரியும். இது கனடாவின் யதார்த்தம். நீங்கள் இதற்குத் தயாராக இருந்தால், கனடாவுக்கு வாருங்கள் ,இல்லையெனில் இந்தியா சிறந்தது என்பது புரியும் என அந்த பெண் தெரிவித்துள்ளார்.

கனடாவின் பல நகரங்களிலும் இதே நிலைமை இருப்பதாக நெட்டிசன்கள் பலரும் இணையத்தில் கருத்து பதிவிட்டு வருகின்றனர்.